«Megabyte» jurnali «Eng yaxshi maqola» tanlovini o‘tkazadi! Maqsad: informatika va axborot-kommunikatsiya texnologiyalari yo‘nalishidagi pedagog kadrlarning o‘z ustlarida ishlashlarini rag‘batlantirish, o‘zaro bilim va tajribalari bilan o‘rtoqlashishlariga ko‘maklashish va yosh pedagog kadrlarning iqtidorlarini keng namoyish etish. Hamkorlar: Oliy va o‘rta maxsus ta’lim hamda Xalq ta’limi vazirliklari. Tanlovga quyidagi mavzulardagi maqolalar qabul qilinadi: • Kompyuter: texnika va dasturlar; • Internet: ishlash prinsipi, foydalanish (axborot) xavfsizligi va madaniyati; • Uyali aloqa: ishlash prinsipi, mobil ilovalar va mobil telefonlar; • Hi-tech: yuksak texnologiyalar, robototexnika. Maqolalar avvalda hech qayerda chop etilmagan bo‘lishi lozim. Maqolalar 2015- yil 1- yanvaridan 30- noyabriga qadar qabul qilinadi. Taqdim etilgan maqolalar megabyte.uz saytida chop etib boriladi. Har oyning eng yaxshi maqolasi «Megabyte» jurnalida nashr etiladi. G‘oliblar jurnalning 2015- yil 12- (dekabr) sonida e’lon qilinadi. Baholash mezonlari: • mavzuning ahamiyatliligi; • ilmiy-amaliy salmog‘i; • bayon etishning ravonligi; • mavzuning to‘liq ochib berilganligi; • o‘quvchilar uchun qiziqarliligi (o‘qishlilik – saytdagi maqola chop etilgan sahifaga tashrif buyuruvchilar soniga qarab aniqlanadi). Mukofot jamg‘armasi: 1 000 000 so‘m, shundan: 1- o‘rin uchun – 500 000 so‘m; 2- o‘rin uchun – 300 000 so‘m; 3- o‘rin uchun – 200 000 so‘m. Shuningdek, g‘oliblar Oliy va o‘rta maxsus ta’lim vazirligi hamda Xalq ta’limi vazirligi diplomlari bilan taqdirlanadilar. Batafsil