Davlat test markazi 2019/2020-o‘quv yilida O‘zbekiston Respublikasi oliy ta'lim muassasalari, oliy harbiy ta'lim muassasalariga kirishda test sinovlariga tayyorgarlik ko‘rayotgan abituriyentlar uchun repetitsion test materiallarini nashr etish boshlanganligini ma'lum qiladi.
Barcha xohlovchilar o‘zlari tanlagan ta'lim yo‘nalishlari bo‘yicha fanlardan test topshiriqlarini bajarish orqali bilim darajalarini sinab borishlari mumkin.
Abituriyentlar, ta'lim muassasalari yoki tashkilotlar test materiallarini o‘zlariga kerakli sonda buyurtma qilishlari uchun avvalo diagnostika.dtm.uz sayti orqali onlayn ro‘yxatdan o‘tishlari lozim. Shuningdek, shaxsiy kabinet orqali zarur ma'lumotlar to‘ldirilgandan so‘ng buyurtma qilinadigan fanlar va kitoblar soni ko‘rsatiladi. Bunda jismoniy va yuridik shaxslar uchun shartnomalarning elektron shakli (to‘lovlar bo`limida) pdf faylda avtomatik ravishda saytda taqdim etiladi va mazkur shartnomalarning qog‘oz variantlari asosida to‘lov amalga oshiriladi.
Toshkent shahri va Toshkent viloyatida yashovchi abituriyentlar onlayn shartnoma, dalolatnoma hisob-fakturaning qog‘oz shakllari va to‘lov ma'lumotnomasi (kvitansiya) asosida test materiallarini Davlat test markazidan olishlari lozim.
Javoblar varaqasi Davlat test markaziga yetkazilgandan so‘ng test natijalari www.dtm.uz saytida e'lon qilinadi.
Viloyatda yashovchi abituriyentlar yoki viloyatlarda joylashgan ta'lim muassasalari o‘zlariga kerakli sonda shartnoma to‘lovini amalga oshirganligi haqida ma'lumotnoma (kvitansiya) nusxasi d.mansurova@dtm.uz elektron pochtasi orqali DTMga yuborilgandan so‘ng test materiallari buyurtmachilarga Davlat test markazining viloyatdagi vakillari tomonidan tarqatiladi hamda ular tomonidan onlayn shartnoma, dalolatnoma hisob-faktura va to‘lov ma'lumotnomasi (kvitansiya) DTMga yetkaziladi. Murojaat uchun Davlat test markazining viloyatdagi vakillari telefonlari www.dtm.uz saytida e'lon qilingan.
Javoblar varaqasi viloyat vakillari orqali Davlat test markaziga yetkazilgandan so‘ng test natijalari www.dtm.uz saytida e'lon qilinadi.
Davlat test markazida repetitsion test sinovlarida qatnashish uchun talabgor individual ravishda onlayn ro‘yxati orqali o‘z ma'lumotlarini kiritadi va onlayn shartnomaning qog‘oz nusxasi orqali to‘lovni amalga oshiradi. Talabgor belgilangan kun va vaqtda test sinovlarida qatnashish uchun onlayn shartnomaning qog‘oz nusxasi, dalolatnoma hisob-faktura va to‘lov ma'lumotnomasi (kvitansiya) bilan Davlat test markaziga yetib kelishi lozim (sana va vaqt diagnostika.dtm.uz saytida abituriyentning shaxsiy kabinetida e'lon qilinadi).
Repetitsion test sinovlarida qatnashgan abituriyentning test natijalari diagnostika.dtm.uz saytida uning shaxsiy kabinetida e'lon qilinadi
1 ta repetitsion test jamlanmasi (test topshiriqlari kitobi va javoblar varaqasi) 12000 so‘m.
Davlat test markazida repetitsion test sinovlari yordamida yangi shaklantirilgan test topshiriqlarini aprobasiyadan o‘tkazish ham belgilandi. Davlat test markazida va Toshkent shahrida joylashgan ta'lim muassasalarida markaz xodimlari tomonidan o‘tkazilgan repetitsion test sinovida yuqori natijaga erishgan test topshiruvchilar bepul aprobasiyaga taklif etiladilar.
2019/2020 o‘quv yilida o‘tkaziladigan test sinovlarida ishlatilishi rejalashtirilayotgan test topshiriqlari, takomillashtirilayotgan test materiallari (test topshiriqlari kitobi, javoblar varaqasi) aprobasiya qilinadi.
Aprobatsiya o‘tkaziladigan sana va vaqt diagnostika.dtm.uz saytida hamda aprobasiya natijalari shaxsiy kabinet orqali e'lon qilinadi.
Murojaat uchun telefon : +99890 974 48 37
