Qayerda: O‘zbekiston.

Kim uchun: Barcha uchun.

Ijodiy ishlar topshirish muhlati: 2017-yilning 31-dekabrigacha.

Grant turi: Tanlov.                                             

“Xalq so‘zi” va “Narodnoye slovo” gazetalari tahririyati ijodkorlarni 2017-2021-yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasi hamda uni Xalq bilan muloqot va inson manfaatlari yilida amalga oshirishga oid Davlat dasturi doirasida amalga oshirilayotgan islohotlarning borishi haqida o‘z taassurotlari bilan o‘rtoqlashishga, shuningdek, xalqimizning boy ma’naviy merosi va qadriyatlari, hududlar rang-barangligi, o‘zining halol mehnati bilan yurtimizda tinchlik va barqarorlikni mustahkamlashga hissa qo‘shayotgan hamda mustaqilligimizning 26 yilligini yanada katta natijalar bilan kutib olishga intilayotgan turli kasb egalari, fidoyi zamondoshlarimiz siymosi tasvirlashga urg‘u berilgan maqola va fotosuratlar tanlovini e’lon qiladi.

Tanlovga materiallar quyidagi tartibda yuborilishi lozim:

            Maqolalar uchun:

  • Mualliflik huquqi uchinchi shaxsga berilmagan hamda boshqa ommaviy axborot vositalarida joylashtirilmagan (elektron yoki A4 o‘lchamdagi qog‘ozga chop etilgan nusxada);
  • O‘zbek va rus tillarida;

Fotosuratlar uchun:

  • 2017-yilda jpeg formatda RGB ranglar tekisligida suratga olingan, yuqori sifatga ega va kamida 2000 piksel o‘lchovdagi elektron nusxada;
  • Fotosuratlarga qisqa hamda ishonchli imzo bilan to‘ldirilishi;

Taqdim qilingan materiallarni ko‘rib chiqishda ularning hayotiyligi, lo‘ndaligi, badiiy mazmuni va orginalligiga e’tibor qaratiladi.

Yuborilayotgan ijodiy ishlarga muallif va uning professional faoliyati to‘g‘risidagi ma’lumot, pasport nusxasi va telefon raqamlari ilova qilinadi. Eng yaxshi ijodiy ishlar “Xalq so‘zi” va “Narodnoye slovo” gazetalarida berib boriladi. Tanlov natijalarini ko‘rib chiqishning so‘nggi bosqichida, 3 nafar eng yaxshi mualliflarga diplom hamda qimmatbaho sovg‘alar topshiriladi.

Tayyorlangan ijodiy ishlar “Tanlov uchun materiallar” belgisi ostida quyidagi manzilga yuboriladi: 100000, Toshkent shahri, Matbuotchilar ko‘chasi 32-uy, yoki info@xs.uz elektron manzili.

 Qo‘shimcha ma’lumotlar va boshqa qiziqtirgan savollarga tahririyatning

(0371) 233-52-55, 233-10-28 telefon raqamlariga murojaat qilishingiz mumkin.