Kuni kecha Xalqaro Biznes Sentrda joylashgan O'zbekistondagi "TEMPUS" Programmasi Koordinatorlari bilan Tanlov.uz sayti uchun maxsus hamkorlik suhbati o'tkazildi. Ushbu suhbat davomida dasturning barcha loyihalari,  Xalqaro amaldagi grant- stipendiyalar, hamda "ERASMUS MUNDUS" Xalqaro Bilim Olish dasturi haqida ham to'liq ma'lumot almashildi. "TEMPUS" Dasturining koordinatorlari tomonidan "Tanlov.uz" uchun 1994 yildan beri dastur faoliyati, rejalashtirilayotgan loyiha grantlar haqidagi ma'lumotlarning elektron DVD diski hamda kitoblari taqdim etildi. Albatta bundan keyingi loyihalar haqida doimiy ma'lumot almashib turishga kelishib olindi. Suhbatda "TEMPUS" ning O'zbekistondagi koordinatorlari Aziza Abdurahmonova bilan Gulshoda Karliboyevalar qatnashishdi.  Suhbat davomida Koordinator Aziza Abdurahmonovaning dastur rejalari haqida ham bilib oldik:  "- Yaqin kunlarda "Erasmus Mundus" dasturi bilan hamkorlikda mutaxassis kadrlar almashinuvi va xalqaro yosh olimlar kengashini tuzishni rejalashtirmoqdamiz." Bundan ko'rinib turibdiki Davlatimizda Xalqaro Ta'lim yo'nalishida juda katta o'zgarishlar bo'libgina qolmay, yutuqlari samarasini yoshlarimizda ham kuzatishimiz mumkin bo'ladi.

Tanlov.uz uchun maxsus M.Turdialiyeva