2016 yil  15 noyabr  kuni   Hamid Olimjon nomidagi musiqa va drama teatrida “Quvnoqlar va zukkolar” respublika ko‘rik-tanlovining yarim final bosqichi  o‘tkazildi. 

Ko‘rik-tanlovda Samarqand davlat universitetining “Ilhom”, Samarqand iqtisodiyot va servis institutining “O‘zbegim”, Samarqand davlat chet tillar institutining “Tarjimon”, Qoraqalpoq davlat universitetining “Jayxun”, Navoiy davlat konchilik institutining “T.B.T” hamda Guliston davlat universitetining “Bojalar” jamoalari ishtirok etishdi. Tanlov natijasiga ko‘ra Samarqand davlat universitetining “Ilhom” jamoasi 1-o’rinni egallashdi va Toshkent shahrida o’tkaziladigan  final bosqichiga yo’llanmani qo’lga kiritishdi. “Ilhom” jamoasini g‘alaba bilan tabriklaymiz.