Турнирда барча турдаги умумий ўрта таълим муассасалари, жумладан давлат, хусусий, ҳарбийлашган, ихтисослашган ва бошқа турдаги мактаб жамоалари иштирок этиши мумкин.

 Мукофот жамғармаси: Интеллектуал турнирида ғолиб бўлган мактаб жамоалари ва ўқувчилар қуйидаги совринлар билан тақдирланади:

1-ўрин: махсус кубок, мактаб учун – 10 дона компьютер жамланмаси, ўқувчилар учун – планшет;
2-ўрин: мактаб учун – 200 дона китоблар жамланмаси, ўқувчилар учун – букридер;
3-ўрин: мактаб учун – 100 дона китоблар жамланмаси, ўқувчилар учун – 10 донадан китоблар.

Турнир 2 босқичда бўлиб ўтади:

1) саралаш (туман) босқичи жорий йилнинг 24-28 февраль кунлари;
2) финал (шаҳар) босқичи жорий йилнинг 10 март куни.

Турнирда ҳар бир мактабдан 8 нафар ўқувчидан иборат битта жамоа иштирок этади. Жамоа таркибига 7-11-синф ўқувчиларини киритиш мумкин.

Мактаблар 23 февралга қадар қуйидаги манзил бўйича турнирда қатнашиш учун онлайн ариза топширишлари ҳамда жамоа таркиби ҳақидаги маълумотларни юборишлари лозим.

Анкетани тўлдириш учун қуйидаги манзилга ўтинг.

Батафсил маълумот: @zakovat канали ёки www.zakovat.tv сайтида.