Qayerda: AQSh Ariza topshirish muhlati: 2016-yil 20-may Kim uchun: Bakalavrni tugatganlar Grant turi: Magistratura uchun Grant miqdori: To’liq qoplanadi Umumiy ma’lumot: Fulbrayt Xorijiy Talaba dasturi AQShda  ikki yillik magistraturada o’qish imkoniyatini taklif qiladi. Dastur quyidagi yo’nalishlarda o’qish uchun arizalarni qabul qiladi: Biznes boshqaruvi; Iqtisodiyot; Ta’lim (Maorif); Atrof-muhitni asrashni boshqarish; Xalqaro munosabatlar; Jurnalistika va Kommunikatsiya; Huquqshunoslik; Kutubxonachilik va Axborot fanlari; Davlat boshqaruvi; Ommaviy sog’liqni saqlash; Davlat siyosati. Kim uchun:

O’zbekiston fuqarolari yoki O’zbekistonda doimiy yashovchi shaxslar; Ariza topshirish vaqtida O’zbekistonda istiqomat qilayotganlar; Dastur orqali o’qish boshlangungacha bakalavr diplomiga ega bo’ladiganlar; Kamida TOEFL PBT testidan 550 ball bo’lishi so’raladi. TOEFL yoki IELTS testini hozir topshirgan bo’lishingiz shart emas. GRE yoki GMAT testlarini topshirish talab qilinmaydi; Ilgari AQShda bo’lmagan arizachilarga afzallik beriladi; Ayni vaqtda AQShda bo’lganlar ariza topshira olmaydi. Grant berish uchun arizachining moliyaviy sharoiti rol o’ynamaydi.

Dastur ishtirokchilari o’qishni tugatgach, o’z davlatariga qaytib kelishlari kerak. J-1 vizasi talablariga ko’ra, ishtirokchilar O’zbekistonga qaytgach, kamida ikki yil J-1 vizasi orqli AQShga kira olmaydi. Grant miqdori: Barcha dastur ishtirokchilari 24 oy uchun oylik stipendiya, tibbiy va tasodifiy holatlar uchun sug’urta hamda ta’lim xarajatlari va safar xarajatlari uchun moliyaviy ko’mak oladi. Ariza topshirish tartibi: Ariza onlayn tarzda SHU YERDA topshiriladi. Ariza to’ldirish bo’yicha yo’l-yo’riqlar SHU YERDA. Qo’shimcha savollaringiz bo’lsa, Tashkent-program@state.gov manziliga murojaat qiling.