Агарда Сизда акция ўтказилиш жойига келиб (ОТМларда) иштирок этишнинг иложи бўлмаса, ҳеч ҳам қайғурманг. Бунинг учун диктант ёзишда иштирок этмоқчи бўлган барча хоҳловчилар учун ҳамма билан биргаликда масофадан туриб диктант ёзиш имконияти мавжуд.

11 май куни соат 15:00 да акция бошланиши билан http://Diktant.uz сайтида диктант матнини тинглаган ҳолда диктантни махсус ойнага онлайн ёзишингиз ҳамда уни акция ташкилотчиларига текшириш учун юборишингиз мумкин. Текширилган диктант натижалари акция иштирокчисининг шахсий кабинетида жойлаштирилади.

Эслатиб ўтамиз,  ушбу акция Алишер Навоий номидаги Тошкент давлат ўзбек тили ва адабиёти университети , “Ягона интегратор UZINFOCOM  ташаббуси билан”  ва Олий ва ўрта махсус таълим вазирлиги ҳамда мамлакатимиздаги бошқа бир қатор олий таълим муассасалари ҳамкорлигида  ўтказилмоқда.

Акцияда иштирок этиш учун Сиз http://Diktant.uz сайтидан рўйхатдан ўтишингиз, унга исм, фамилия ва мобиль телефон рақамини кўрсатиш кифоя.