Мирзо Улуғбек номидаги Ўзбекистон Миллий университети ва Ўзбекистон Республикаси истеъдодли ёшларни қўллаб-қувватлаш “Улуғбек” жамғармаси ҳамкорликда 2017 йил апрель-май ойлари давомида математика, физика, биология ва кимё фанларидан умумтаълим мактабларининг битирувчи синфлари ҳамда академик лицей ва касб-ҳунар коллежлари ўқувчилари ўртасида университет олимпиадалари ўтказилишини маълум қилади.
Университет олимпиадалари қуйидаги ҳудудлар кесимида олий таълим муассасаларида ташкил этилади:
- Самарқанд, Навоий, Бухоро вилоятлари бўйича Самарқанд Давлат университетида 2017-йил 8-апрель куни;
- Қашқадарё, Сурхандарё вилоятлари бўйича Қарши давлат университетида 2017-йил 15-апрель куни;
- Наманган, Андижон, Фарғона вилоятлари бўйича Қўқон давлат педагогика институтида 2017-йил 22-апрель куни;
- Тошкент шаҳри ва Тошкент,Сирдарё,Жиззах вилоятлари бўйича Ўзбекистон Миллий университетида 2017-йил 6-май куни;
- Хоразм вилояти бўйича Урганч давлат университетида 2017-йил 6-май куни;
- Қорақалпоғистон Республикаси бўйича Қорақалпоқ давлат университетида 2017-йил 8-май куни.
Университет олимпиадаларида умумтаълим мактаблари ҳамда академик лицей ва касб-ҳунар коллежларидан иштирок этиб, ҳудудлар бўйича 1-,2-,3-ўринларга сазовор бўлган ўқувчилар Ўзбекистон Республикаси истеъдодли ёшларни қўллаб-қувватлаш “Улуғбек” жамғармаси томонидан моддий ва маънавий рағбатлантириладилар.
Шунингдек, ғолиблар Мирзо Улуғбек номидаги Ўзбекистон Миллий университети томонидан ташкил этиладиган ёзги мактаб ўқув-семинарларига таклиф этилади.
Шошилинг! Ўз иқтидорингиз ва билимингизни синаб кўринг!
Мурожаат учун манзил: Тошкент шаҳри, Талабалар шаҳарчаси, Ўзбекистон Миллий университети, иқтидорли талабалар билан ишлаш бўлими. Тел: (0-371) 246-59-12.
Рўйхатдан ўтиш учун электрон манзил: jaloliddin_manaviyat@mail.ru.
