Мирзо Улуғбек номидаги Ўзбекистон Миллий университетида 1-курсда таҳсил олаётган талабалар ўртасида китобхонлик маданиятини ошириш, тинчлик, ватанпарварлик ғоялари теран сингдирилган тарихий асарларни ёшлар орасида кенг тарғиб қилиш ҳамда дарсдан ташқари бўш вақтларини мазмунли ташкил этиш мақсадида “Амир темур даври тарихи билимдони” танлови ўтказилмоқда.
Танлов қуйидаги босқичларда бўлиб ўтади:
Биринчи босқич: Факультетларнинг 1-курс талабаларидан қатнашаётган иштирокчиларга 30 тадан тест берилади ва ҳар бири 2 баллдан баҳоланади. Тест синовлари компютерда онлайн тарзда олиб борилади. Тест синовларидан энг юқори балл олган 10 нафар талаба 2-босқичга саралб олинади. Жорий йилнинг 31 март куни соат 14:00 да бўлиб ўтади.
Иккинчи босқич: Тест синовларидан юқори балл тшплаган 10 нафар талабалар ўзларининг илмий маърузаларини ҳимоя қилишади ва 40 баллик тизимда баҳоланади. Жорий йилнинг 5 апрел куни соат 14:00 да бўлиб ўтади.
Танловнинг иккита босқичи бўйича энг юори балл тўплаган иштирокчилар танлаб олинади.
Танлов ғолиблари Амир Темур таваллудининг 681 йиллиги муносабати билан ўтказиладиган маънавий-маърифий тадбирда 1,2,3-даражали диплом, тарихий китоблар жамланмаси билан тақдирланади ҳамда қолган ўринларга фахрий ёрлиқлар берилади.
Шошилинг, ўз билимингиз ва илмий фаолиятдаги қобилиятингизни синаб кўринг!
Ташкилий қўмита: Иқтидорли талабалар билан ишлаш бўлими ҳамда
Тарих факультети “Ўзбекистон тарихи” кафедраси
